PROXECTOS

I Feira de Economía Social

A I Feira de Economía Social do Concello da Coruña, #TecendoRedes, quixo poñer en valor a Economía Social e a importancia das persoas que a fan posible e para elo contou coa participación de vintedúas entidades de distintos sectores -cultura, servizos, alimentación, construción, consumo e solidariedade- e ofreceu 15 actividades para dar a coñecer o cooperativismo e os seus valores.

A Concellería de Emprego e Economía Social do Concello da Coruña, en colaboración con EspazoCoop Unión de Cooperativas Galegas, AGACA Asociación Galega de Cooperativas Agroalimentarias, Cegasal, Aesgal Agrupación Empresarial de Sociedades Laborais de Galicia, AEIGA, REAS Galicia e Zocamiñoca s. c. galega organizaron no Campo da Leña a I FEIRA DE ECONOMÍA SOCIAL do Concello da Coruña, coordinada por 7H Cooperativa Cultural.

Detalles

Cliente: Concello da Coruña

Categoría: Mediación Cultural e Economía Social

Data: 29 e 30 de Setembro de 2017

Servizos: Dirección Artística, Deseño Gráfico, Mediación e Xestión Cultural, Fotografía e Creación Artística

 


O programa da Feira, destinado a todo tipo de públicos, contou con música, obradoiros, charlas, foros, poesía e teatro, nos seus tres espazos diferenciados: exposición, espazo ÁGORA e espazo INFANTIL.

A división en tres espazos buscaba facilitar a consecución dos tres obxetivos da Feira: visibilizar e difundir outras formas de facer economía e xerar emprego e dar a coñecer os produtos e servizos das entidades participantes, facilitar espazos de encontro profesional e divulgativo en torno a economía social, os seus axentes e a súas particularidades e achegar os valores da economía social e cooperativa ás crianzas da Coruña, fomentando coñecemento e creatividade colectiva.

 

 

Estética

A estética xeral que se buscou para a Feira foi a dun espazo inspirado na natureza, nos paneis de abellas e nas redes cooperativas. O material principal foi a madeira, empregada para destacar o artesanal e conectar coa propia historia da praza como Campo da Leña.
As notas de cor a través de fíos e telas seguiron o patrón das cores corporativas marcadas no deseño gráfico.

 

 

Equipa 7H


Coordinación: Eva Agra e Clara R. Cordeiro

Dirección artística: Vanesa Santamaría Trinidad

Deseño Gráfico: Juan Pablo Venditti

Fotografía: Marcos Boedo

Mediación Cultural: Eva Agra, Clara R. Cordeiro, Ana Olveira, Vanesa Santamaría Trinidad e Álex Pereira.

Creación Artística: Bea Lema, Vanesa Santamaría Trinidad, Javier Jas Pérez e Juan Pablo Venditti.


#creatividadecooperativa